Rubrique “Cogner la Poésie “ Max Gregory Saint Fleur

Alsiyis

Son plim poul

Ki montre m jwe mizik lasirèn

Leve m sou nich

Lè m nan sezon lapli

Son plim poul

Ki fè m fele silans nuit la

Ak yon rèl

Nan yon rèv tout longè

Sou pwent pye

Map file glise desann

M pouse zèl

Je fèmen

Voukap voukap

Mkite van pote soupi m ba ou

Degidon…

M pa konn doulè do tòl

Kap jwe marèl ak lapli

M anvi di w cheri

Nan lapli

Plezi mwen s on plim poul

Lèw pa la

Pwezi mwen

S on plim poul

Max Gregory Saint Fleur

Kou siprann (2016)

Max Gregory Saint Fleur fèt Dabòn nan Leyogán.Li fè étid nan kominikasyon sosyal nan fakilte Syanzimèn leta Ayiti ak yon “Master en communication citoyenne et developpement durable à l’Université côte d’Azur France” .Nan lane 2013 li te loreya pri kalbas Lò Lakarayib nan Matinik pou “woulman vag .